Пскоў (А1-А2)

Пскоў — горад з багатай гісторыяй

Пскоў — адзін са старадаўніх гарадоў Расіі, што знаходзіцца каля мяжы з Беларуссю і Эстоніяй. Першыя згадкі пра яго адносяцца да 903 года. Гэта адзін з самых старажытных гарадоў у Еўропе. На працЯгу многіх стагоддзяў Пскоў меў важнае значэнне як цэнтр гандлю, культуры і абароны.

Цэнтральнай славутасцю горада з’яўляецца Пскоўскі крэмль — магутная крэпасць, размешчаная на высокім беразе ракі Вялікай. Унутры крамля стаіць Свята-Траецкі сабор, пабудаваны яшчэ ў XI (адзінаццатым) стагоддзі. Сабор шмат разоў перабудоўваўся, але захаваў сваю духоўную веліч і цяпер з’яўляецца сімвалам горада.

Пскоў мае шмат старадаўніх цэркваў, кожная з якІх мае сваю гісторыю. Напрыклад, царква Святога Васіля на гары — гэта адна з самых прыгожых і адметных пабудоў у стылі пскоўскай архітэктуры.

Горад мае таксама сучаснае аблічча. Тут ёсць тэатры, музеі, бібліятэкі, паркі і культурныя цэнтры. Улетку тут праходзяць святы, фестывалі і канцэрты, дзе можна паслухаць народную музыку, убачыць народныя строі і паспрабаваць мясцовую Ежу.

Пскоў — гэта не толькі гісторыя, але і прырода. Побач з горадам знаходзяцца маляўнІчыя азёры, лясы і рэкі. Гэта добры напрамак для тых, хто любіць турызм, спакой і прыроду. Можна катацца на чоўне, хадзіць у паходы або проста адпачываць на прыродзе з сябрамі ці сям’ёй.

Пскоў з’яўлЯецца месцам, дзе сустракаюцца мінулае і сучаснасць. Ён прыцягвае турыстаў сваёй унікальнай архітэктурай, багатай культурай і цёплай атмасферай. Калі вы яшчэ не былі ў Пскове — абавязкова завітайце. Гэта горад, у якІ хочацца вяртацца.

✏️ Практыкаванне. Устаўце дзеясловы ў дужках у форме цяперашняга часу.

Пскоў (знаходзіцца) на захадзе Расіі, каля мяжы з Беларуссю.
Горад (мець) багатую і цікавую гісторыю.
Турысты часта (прыязджаюць) сюды, каб убачыць славутасці.
У цэнтры Пскова (стаіць) старадаўні крэмль.
Унутры яго (знаходзіцца) Свята-Траецкі сабор.
Людзі (моляцца) ў саборы і (запальваюць) свечкі.
Царква Святога Васіля (уяўляе) сабой прыгожы архітэктурны помнік.
Мясцовыя жыхары (паважаюць) сваю гісторыю і культуру.
У горадзе (праходзіць) шмат фестываляў і канцэртаў.
Дзеці (вучацца) ў школах, дзе ім (распавядаюць) пра гісторыю горада.

✏️ Практыкаванне. Устаўце дзеясловы ў дужках у форме цяперашняга часу.

Фатограф (фіксаваць) прыгожыя моманты жыцця Пскова.
Жыхары (паважаць) сваю гісторыю і традыцыі.
Турысты (пытацца) пра дарогу да славутасцяў.
Улетку шмат хто (катацца) на чоўнах па рацэ.
Турызм (развівацца) у Пскове кожны год.
Сем’і (гуляць) у парках і (карміць) птушак.
Людзі (адпачываць) у парках і скверах.
Экскурсаводы (адказваць) на пытанні турыстаў.
Птушкі (лятаць) над ракой і (спяваць) у дрэвах.
Транспарт (рухацца) павольна па вузкіх вуліцах.
У цэнтры горада часта (гучаць) народныя песні.
Наведвальнікі (купляць) сувеніры на кірмашы.
З вежаў крамля (адкрывацца) цудоўны выгляд на горад.
Экскурсаводы (распавядаць) цікавую інфармацыю пра архітэктуру.
Студэнты (наведваць) бібліятэкі і музеі.
Старыя людзі часта (сядзець) на лаўках і (размаўляць) пра мінулае.
Горад (прыцягваць) людзей сваёй атмасферай.
Дзеці (гуляць) на дзіцячых пляцоўках каля дома.
На святы людзі (спяваць) песні і (танчыць).
Маладыя пары (фатаграфавацца) каля славутасцяў.
Студэнты (вывучыць) архітэктуру і мастацтва ў універсітэце.
Увечары людзі (глядзець) на захад сонца з берага.
Сям’я (абедаць) у кавярні з выглядам на крэмль.
Пскоў (заставацца) важным культурным цэнтрам рэгіёна.
Рабочыя (рамантаваць) старыя будынкі ў горадзе.
Кожны дзень людзі (хадзіць) на працу ці ў школу.
Некаторыя турысты (спыняцца) ў гасцініцах побач з цэнтрам.
Турысты часта (фатаграфаваць) крамль і царквы.
Госці (знаёміцца) з мясцовай культурай і кухняй.

Практыкаванне. Прачытаце пададзеныя сказы, перакладаючы іх на рускую мову.

Першая згадка пра Пскоў з’явілася яшчэ ў 903 годзе — у гэтым старажытным усё кажа пра доўгую гісторыю.
Найбольш вядомай славутасцю Пскова з’яўляецца велічны крэм[а]ль, што ўзвышаецца на высокім беразе ракі.
Свята-Траецкі сабор, які пачалі будаваць у адзінаццатым стагоддзі, дагэтуль уражвае сваёй гармоніяй і сілай.
Нягледзячы на шматлікія перабудовы, сабор здолеў захаваць свой першапачатковы дух і святасць.
У цэнтры горада можна сустрэць унікальныя пабудовы, што адлюстроўваюць пскоўскую традыцыю ў камені.
Царква Святога Васіля на гары — адна з самых прыгожых і адметных святыняў, якая уяўляе сабой сапраўдны шэдэўр.
Кожная з цэркваў горада мае сваю гісторыю, свой характар.
Побач з архітэктурай мінулага гарманічна суіснуе сучасны горад з тэатрамі, музеямі і культурнымі цэнтрамі.
На летніх святах можна ўбачыць людзей у народных строях, пачуць гуслі, і паспрабаваць смачную, духмяную мясцовую ежу.
За межамі горада — маляўнічыя азёры і лясы, дзе спакойна і лёгка дыхаецца.
Такі турызм – гэта цудоўны напрамак для тых, хто стаміўся ад мітусні.
Шмат якія турысты з радасцю плавабць на чоўне па спакойнай рацэ або адпачываюць на яе зялёных берагах.
Калі вы яшчэ не былі ў Пскове, вам трэба абавязкова завітаць — горад гасцінна вас прыме.
Тут сустракаюцца мінулае і сучаснасць, і гэта спалучэнне стварае асаблівую атмасферу, якая натхняе.
Любоў да сваёй гісторыі — гэта абавязак кожнага, хто называе Пскоў родным домам.

Практыкаванне. Прачытайце дапаможныя словы ніжэй. Апішыце, што Вы бачыце на карцінцы?

Дапаможныя словы:

🔹 Назоўнікі: горад, крэм[a]ль, сабор, вежа, рака, неба, мост, вада, дрэва, мур, дарога, дом, трава, сонца

🔹 Прыметнікі: вялікі, прыгожы, старажытны, высокі, зялёны, сіні, светлы, спакойны, ясны, маляўнічы, камéнны

🔹 Дзеясловы: стаяць, знаходзіцца, бачыць, адчуваць, глядзець, ісці, плёскацца, свяціцца

Паўтарэнне выразаў

Віктарына пра Пскоў

Практыкаванне. Прачытайце сказы і перакладзіце іх на рускую мову.

Звычайна я раблю руханку раніцай, калі маю добры настрой.
Мая дачка заўжды фатаграфуе хатніх гадаванцаў, калі пабачыць,што яны прыгожа ляжаць.
Такое адбываецца вельмі рэдка, але часам я хаджу па грыбы ды ягады.
Увосень мы звычайна збіраем два вядры грыбоў і кілаграм чарніц.
Часам фіксую на камеру дзівосныя моманты, якія адбываюцца вакол маёй хаты.
Зараз жудасная спёка — 32 градусы, таму ўсе хаваюцца ў цені.
Шчыра кажучы, амаль не бывае такога, каб усе былі бадзёрыя ў панядзелак.
Калі як: бывае, што нават няма моцы, каб гатаваць сняданак ці вячэру.
Калі я ў спеху, я не паспяваю пакаштаваць стравы, што прыгатавала ўвечары.
Часам мы замаўляем ежу або ідзём у рэстарацыю ці кавярню.
Калі я вандрую па розных гарадах, дык абавязкова фатаграфую славутасці ды помнікі.
Гэтая царква пабудавана ў XI (адзінаццатым) стагоддзі, таму яна лІчыцца вельмі старажытнаю.
У Пскове шмат старадаўніх цэркваў, і прытым кожная з іх мае сваю гісторыю.
Мы паехалі на азёры, адпачылі дзве гадзіны на свежым паветры і вярнуліся дамоў.

Пераклад сказаў